VI Jornada da Liga Gallaecia

Entruido ourensam e nova jornada de liga. A partir das 16.00 h. as anfitrioas Afiadoras enfrontaram-se à atual líder, a Suévia F.G. A seguir as lugoslavas bateram-se contra a Ambílokwoi viguesa para desfazer o empate na segunda e terceira posiçom ou mesmo mudar a liderança. Já sabes, a partir das 16.00 no campo de Moreiras em Toem.

ivjornadagallaecia

Crónica da V Jornada. Afiadoras vs Torques

Disputado entorafcontro o celebrado este sábado no campo de Moreiras. O dérbi do interior ou do Minho converteu-se num partido intenso, disputado, com umha metade dominada por umha equipa. Pese a mencionada intensidade nom houve jogadas conflituosas e si um comportamento excelente de todas as jogadoras.

Logo do assobio inicial, Afiadoras impôs um ritmo forte com um brilhante jogo de carreira, vertical e incisivo que descolocou totalmente às luguesas. Assi, as locais forom colhendo umha cómoda vantagem no tanteador. As visitantes pola sua banda sofreram muito, nom forom capazes de fiar o seu jogo habitual e só tiverom duas chegadas com perigo em todo o primeiro período, logrando converter só um deles num tanto. As ourensanas puderam dar um golpe de mam se tiveram chegado a aproveitar unha pena máxima, na que o meta lucense, Cortizo, adivinhou as intençons do lançador e detivo o disparo com certa comodidade. Chegado o descanso o marcador reflectia um claro 1-3 (6) 0-1 (1) para as locais.

Na segunda metade o cenário mudaria. Poderia-se dizer que vista a primeira parte, ninguém se aguardaria o acontecido se nom fosse pola já conhecida querença das Torquistas a sobrepor-se às adversidades, mostrar carácter e tenacidade para pelejar toraffo encontro de novo. Assim, com seu jogo à mam, mais paciência e moita melhor disposiçom e colocaçom, os lucenses foram-se fazendo com o encontro, remontando o marcador tanto a tanto até lograr o empate. 1-3 (6) 1-3 (6)

Encontro muito mais ameno do que demonstra o resultado, com muitas chegadas e demasiados erros no lançamento a paus por culpa dumha mui limitada visibilidade no campo de Moreiras, que provocou que as Afiadoras nom sentenciaram um encontro que tinham mui de cara e que as Lugoslavas culminaram a que poderia ter sido a sua enésima remontada na Liga Gallaecia.

A Liga Gallaecia no Ponte Louco, imagens

A passada sexta-féira 22 de Agosto, no festival Ponte Louco, que nos acolheu de umha maneira incrível jogou-se o All Star ap-9 vs Interior (a revanche) no que volveu ganhar o combinado ap-9 por 8-6 (30) 4-2 (14).

Temos que felicitar à organizaçom do festival polo grade sucesso do evento e a toda a gente de Castro-Caldelas polo seu estupendo acolhimento.

ponte_louco ponte_louco2 ponte_louco3