Crónica da terceira jornada

Fonte: Diário Liberdadec0b5072578d52e5bb5dc5f8b20ac74a9_XL Coincidindo com os populares Magustos de Ourense, no último sábado decorreu lá a terceira jornada da Liga Gallaecia, a Liga Nacional de futebol gaélico misto.

Em dous jogos consecutivos, que dérom começo ao meio dia, enfrentárom-se primeiramente as corunhesas de Cascarilha contra as ourensanas Afiadoras, e posteriormente Ambilokwoi, de Vigo, contra a Súevia de Compostela.

Sob umha intensa chuva, o primeiro jogo saldou-se com a vitória de Afiadoras, que consegue 19 pontos (3 golos e 10 tantos), enquanto as corunhesas atingiam apenas 3, ficando penúltimas na classificaçom geral.

Por volta das 16h, dava começo o segundo jogo muito igualado no primeiro tempo, mas que findou com um resultado favorável a Ambilokwoi, com 24 pontos (6 golos e 6 tantos), frente a umha Suévia que, após ficar sem um dos jogadores devido a umha lesom por um corte num lábio e perder intensidade no segundo tempo, fica com 10 pontos (2-4).

Ambilokwoi lidera assim a tabela classificatória, adiantando o Condado, em contraste com a Suévia, que cai para o último lugar, por trás de Cascarilha.

No fim de ambos jogos, como é habitual neste desporto natural da Irlanda, as quatro equipas confraternizárom no terceiro tempo, organizado pola equipa local, Afiadoras, no bar “O Renque”, de Ourense.

A classificaçom da Liga fica assim:

x626c9be1d46226c50d38a591366dd25b.jpeg.pagespeed.ic.1MFhOc9v2g

Quarta jornada em andamento

Já está aqui a quarta jornada de Liga!!

Começamos com o jogo da Suévia contra as Afiadoras, será a partir das 12.00 no campo do Praínha em Ponte Vea. O terceiro tempo será na Gentalha do Pichel ao rematar o jogo e continuará pola noite, na praça do 8 de Março no magusto organizado polos centros sociais de Compostela.

suev_4j_16_17

O segundo jogo da jornada terá lugar no Nadela Areia lucense e enfrontará à equipa local contra o Condado FG, num jogo que pode  mudar a cabeça da competiçom. Será a partir das 16.00 para no remate deslocar-se a desfrutar do terceiro tempo no “Bodegón A Fouce”

torq

Força equipas! Avante com o gaélico misto!

Entrevista a Sara Reboredo no Notícias Vigo

Reproduzimos a seguir a entrevista feita polo portal web noticiasvigo.es à jogadora do Ambilokwoi Sara Reboredo:

 

“Para comezar a entrevista. Poderías contármonos de onde veu a motivación para xogar ao Fútbol Gaélico?

saraA verdade é que foi de casualidade, eu nunca escoitara falar do fútbol gaélico; unha amiga descubriu a equipa en Vigo e comezou a xogar con eles, convenceume para ir probar a adestrar, e ao final encantoume.

– Que é para ti a Liga Gallaecia, cantas equipas a forma?

Para min é un medio para facer deporte, coñecer xente nova e sobre todo pasalo moi ben. Agora mesmo está formada por 6 equipas, Ambílokwoi de Vigo, Suevia de Compostela, Afiadoras de Ourense, Torques de Lugoslavia de Lugo, Condado de Salvaterra e Cascarilha da Coruña; pero hai unha equipa da Guarda e outra en Pontevedra que están en proceso de unirse tamén, esperamos contar con eles para a tempada que ven xa.
Banner 200×200

– Que é para ti o Ambílokwoi?

Somos unha pequena gran familia. Nesta equipa coñecín a xente que máis que compañeiros de xogo xa son amigos, dos de para toda a vida.

– Porque escolliches o Gaélico mixto?

Gústanme os valores que defende, podemos xogar perfectamente xuntos homes e mulleres, cas mesmas normas e condicións. Por exemplo, no fútbol gaélico feminino utilizan balóns mais pequenos, e regras diferentes de xogo ás do masculino: as mulleres poden coller o balón directamente do chan coas mans, mentres que os homes o teñen que levantar co pé.E non considero que sexa necesario facer esas distincións, xa que somos igual de capaces de facelo.

– Tedes moitas trabas para poder practicar este deporte?

Máis que trabas, non temos recoñecemento. Agora que o gaélico está en auxe na Galiza e empeza a saír nos medios de comunicación, nunca se fala da nosa liga en ningures.

– Cres que é un deporte difícil?

Ao principio pode parecelo, pois ten moitas normas. Combina moitas características doutros deportes, como o bote de baloncesto ou o paso de voleibol; pero unha vez lle colles o truco non é tan complicado. Coma todo, con práctica se consigue.

– Que cargo desenvolves dentro da túa equipa?

Agora mesmo son a capitá e presidenta, en substitución das anteriores capitá e presidenta que están ausentes.

– Existe compañeirismo e bo ambiente entre as xogadoras e xogadores da túa equipa e en xeral na Liga Gallaecia?

Tanto na nosa equipa, coma na liga hai moi bo ambiente, a rivalidade queda no campo.

– Poderías explicarnos os distintos “tempos” que existen no Futebol Gaélico?

Pois están o 1º e 2º tempo, que son a primeira e segunda parte do partido. E despois temos o 3º tempo, no que ao rematar, as equipas xúntanse despois de xogar, para comer e beber algo e confraternizar entre elas. Normalmente o terceiro tempo organízao a equipa local.

– Que é o máis salientábel da Liga Gallaecia?

Creo que aparte do bo ambiente que temos entre as equipas, o carácter mixto da liga é o mais salientable. Ademais, ás veces organizamos xornadas conxuntas nas que xogamos tódalas equipas e que coincide co Entroido en Ourense, por exemplo, ou no San Froilán en Lugo. Así, alén de facer deporte, tamén aproveitamos as festividades galegas por todo o país.

-Que destacarías do Ambílokwoi que non teñen outras equipas da Liga Gallaecia?

Pois a parte de ser os campións dos terceiros tempos, destacar tamén as nosas seareiras, que nos acompañan a todos os partidos e son una parte máis de Ambílokwoi.

– Como te sentes cando gañas un partido, e cando perdes?

Coma en todo hai que saber gañar, e saber perder. Está claro que xogamos para intentar gañar, e para iso adestramos , pero o obxectivo principal é pasalo ben.

– Cales son os teus obxectivos individuais como xogadora do Ambílokwoi?

Pois este ano intentar recuperar o trofeo da Liga Gallaecia, que foi noso durante dous anos consecutivos, e o ano pasado gañárono os do Condado.

– Cales son os teus obxectivos a conseguir como membro da Liga Gallaecia?

Intentar que a nosa liga saia adiante e que o número de equipas vaia crecendo polo país. E tamén teña mais recoñecemento e que se dea a coñecer.

– Que lle dirías á xente que ten curiosidade por este deporte?

Que se animen a xogar, que todo o mundo que proba se queda.

-Que días adestrades?

Estamos adestrando soamente un día a semana, os luns ás 9.30 da noite, pero estamos intentando
organizarnos para adestrar dous. Agora os adestramentos son en Mos, mais sempre organizamos coches dende Praza América ou a Praza dos cabalos para ir ata o campo.

-Algo máis que nos queiras destacar?

Pois insistir en que a xente se anime a probar, que ademais de coñecer un deporte novo, coñecerán ás persoas tan marabillosas que formamos parte desta liga.

Moitas grazas por dedicarnos o teu tempo, esto é o Fútbol Gaélico, Noticias Vigo estará dando cobertura para ir dando a coñecer este deporte fermoso.”

Terceira jornada de Liga 16/17

afia_magusEste próximo sábado 12 de Novembro chega a terceira jornada de Liga a Ourense, a segunda conjunta da temporada.

Começaremos às 11 da manhá com umha sessom formativa de arbitragem,  na aula 0.6 da facultade de ADE do Campus de Ourense.

Já a partir das 14.00h a equipa local disputará o primeiro jogo da jornada contra a Cascarilha  e a partir das 15.00 será a turma para o encontro entre a Suévia e Ambilokwoi.

Ambos os dous jogos terám lugar no campo da universidade (como chegar?).

Avante o gaélico misto e galego!

Até o sábado!